नेपाल भ्रमणले दुई मुलुकको सम्बन्ध बलियो बनाउने मोदीको विश्वास

 

वैशाख २७ / खगेन्द्र खरेल
भारतका प्रधानमन्त्री नरेन्द्र मोदीले आफ्नो नेपाल भ्रमणले दुई मुलुकबीचको सम्बन्ध बलियो बनाउने विश्वास व्यक्त गरेका छन् । नेपाल भ्रमणको पूर्वसन्ध्यामा बिहीबार ट्वीटरमा उनले आपसी फाइदा, सद्भाव र समझदारीको आधारमा नेपालसँगको जनताकेन्द्रित साझेदारीलाई भ्रमणले थप बलियो पार्ने उल्लेख गरेका हुन् ।

प्रधानमन्त्रीकारूपमा तेस्रोपटक नेपालको भ्रमण गर्न लागेको उल्लेख गर्दै मोदीले यसबाट नेपालप्रति भारतले देखाएको उच्च प्राथमिकता झल्कने बताएका छन् । यस्ताखाले उच्चस्तरीय र नियमित कुराकानीले ‘छिमेक पहिलो’ भन्ने आफ्नो सरकारको प्रतिबद्धता दर्शाउने पनि मोदीले आफ्नो ट्वीटमा उल्लेख गरेका छन् ।

प्रधानमन्त्री केपी शर्मा ओली र आफूबीच नयाँदिल्लीमा भएको वार्तालाई अगाडि लैजान आफ्नो भ्रमणले मौका दिनेसमेत मोदीको भनाइ रहेको छ । आफू जनकपुर र मुक्तिनाथ दर्शनमा पनि जाने उल्लेख गर्दै उनले दुई देशबीच परम्परागत, सांस्कृतिक एवं धार्मिक सम्बन्ध पनि उदाहरणीय रहेको उल्लेख गरेका छन् ।

उनले नेपाल लोकतन्त्रको उपलब्धि संस्थागत गर्ने र तीव्र आर्थिक वृद्धि तथा विकास हासिल गर्ने युगमा प्रवेश गरेको भन्दै ‘समृद्ध नेपाल, सुखी नेपाली’को नेपालको अभियान कार्यान्वयन गर्न भारत विश्वासिलो सहयात्री बन्ने प्रतिबद्धता पनि जनाएका छन् ।

Advertisement

बारेमा Nabin Nepal

Check Also

मुलुक समृद्ध बनाउन राजसंस्था सहित लोकतन्त्रको विकल्प नभएको कमल थापाको भनाइ

  असोज,२ / खगेन्द्र खरेल राष्ट्रिय प्रजातन्त्र पार्टीका अध्यक्ष कमल थापाले मुलुकलाई समृद्ध बनाउन राजसंस्थासहितको …

Leave a Reply

Your email address will not be published. Required fields are marked *