Tuesday , 17 October 2017
Home / देश / ५ न.प्रदेशका चार उपमाहानगरपालिकामा एमालेले उम्मेदवार टुंगो लगायो

५ न.प्रदेशका चार उपमाहानगरपालिकामा एमालेले उम्मेदवार टुंगो लगायो

१२ जेठ,२०७४ / खगेन्द्र खरेल
नेकपा एमालेले दोस्रो चरणमा निर्वाचन हुन लागेका ५ नम्बर प्रदेश अन्तर्गत ४ ओटा उपमहानगरपालिकामा आफ्नो उम्मेदवार टुंगो गरेको छ । स्थायी कमिटीको शुक्रबार साँझ बसेको बैठकले मेयर र उपमेयरको नाम टुंगो लगाएको हो ।

एमाले सचिव तथा प्रचार बिभाग प्रमुख योगेश भट्टराईका अनुसार नेपालगन्ज उपमहानगरपालिकाको मेयरमा समसुद्धिन सिद्धिकी र उपमेयर शान्ता ढकाल तय भएका छन् । सिद्धिकी यसअघिका उपमेयर हुन् ।

त्यस्तै दाङको तुल्सीपुर उपमहानगरपालिकाको मेयरमा घनश्याम पाण्डे र उपमेयरमा माया आचार्यको नाम टुंगो लागेको छ । घोराही उपमहानगरपालिकाको मेयरमा नरुलाल चौधरी र उपमेयरमा सीता न्यौपानेको नाम तय भएको छ भने बुटवल उपमहानगरपालिकामा मेयर शिवराज सुबेदी र उपमेयर गोमा आचार्यको नाम तय भएको छ ।

तुल्सीपुरका घनश्याम पाण्डे पनि तत्कालीन नगरपालिकाका पूर्व उपमेयर हुन् । घोराहीका नरुलाल चौधरी एमाले केन्द्रीय सदस्य हुन् भने बटुवलका शिवराज सुवेदी एमालेका रुपन्देही जिल्ला अध्यक्ष हुन् ।

Check Also

कांग्रेस र फोरम लोकतान्त्रिकबीच पार्टी एकता भएरै छाड्यो (सहमति पत्रसहित)

  असोज ३० / खगेन्द्र खरेल नेपाली कांग्रेस र नेपाल लोकतान्त्रिक फोरमबीच आज पार्टी एकीकरण ...

Leave a Reply

Your email address will not be published. Required fields are marked *