Sunday , 24 September 2017
Home / Uncategorized / राष्ट्र संघद्वारा उत्तर कोरियामाथि थप प्रतिबन्ध, सामान निर्यातमा पूर्ण रोक

राष्ट्र संघद्वारा उत्तर कोरियामाथि थप प्रतिबन्ध, सामान निर्यातमा पूर्ण रोक

२२ साउन,२०७४ / खगेन्द्र खरेल
संयुक्त राष्ट्र संघ सुरक्षा परिषद् उत्तर कोरियामाथि थप प्रतिबन्ध लगाउन सहमत भएको छ । उत्तर कोरियाबाट निर्यात हुने सम्पूर्ण सामानमा रोक लगाउन सुरक्षा परिषद् सहमत भएको हो । जसका कारण उत्तर कोरियामाथि नराम्रो असर पर्ने निश्चित भएको विश्लेषण अन्तराष्ट्रिय संचार माध्यमहरुले प्रसारण गरेका छन् ।

संयुक्त राष्ट्र संघका लागि अमेरिकी राजदूत निकी हेलीले यो कुनै पनि देशमाथि लगाइएको अहिलेसम्मकै सबैभन्दा कडा प्रतिबन्ध भएको बताएका छन् । उत्तर कोरियाले कोइला, कच्चा धातुलगायतका सामान ठूलो मात्रामा चीनमा निर्यात गर्ने गरेको छ । यो नै उसका लागि सबैभन्दा ठूलो आयस्रोत मानिँदै आएको छ ।

उसले वार्षिक करिब ३ अर्ब डलर बराबरको सामान अन्य देशमा निर्यात गर्ने गरेको अनुमान छ । तर यस वर्ष भने चीनले उत्तर कोरियामाथि दबाब बढाउन कोइला निर्यात बन्द गरिदिएको थियो ।

उत्तर कोरियाले गत जुलाईमा अन्तरमहादेशीय ब्यालेस्टिक मिसाइल परीक्षण गरेपछि अमेरिका, जापान, दक्षिण कोरियालगायतका मुलुकले आपत्ति जनाउँदै आएका थिए ।(एजेन्सी)

Check Also

पोखराका बुद्ध लामा बने पहिलो ‘नेपाल आइडल’

७ असोज / खगेन्द्र खरेल प्रतिष्ठाको पहिलो आवाज नेपाल आइडलको उपाधि पोखरा नयाँबजारका बुद्ध लामाले ...

Leave a Reply

Your email address will not be published. Required fields are marked *